بارش سے لاہور میں راحت

لاہور میں بارش اور تیز ہواؤں نے گرمی سے ستائے شہریوں کو راحت پہنچائی ہے۔ پنجاب کے دارالحکومت لاہور میں شدید گرمی اور حبس کے بعد بارش نے خوشی کی لہر دوڑا دی ہے۔ محکمہ موسمیات نے مزید بارشوں کی پیش گوئی کی ہے اور کہا ہے کہ آئندہ چوبیس گھنٹوں میں مزید بارشیں متوقع ہیں۔ بارش کے باعث شہر کے مختلف علاقوں میں ٹریفک کی روانی متاثر ہوئی ہے اور نشیبی علاقے زیر آب آ گئے ہیں۔ ضلعی انتظامیہ نے تمام متعلقہ اداروں کو ہائی الرٹ رہنے کی ہدایت کی ہے تاکہ کسی بھی ہنگامی صورتحال سے نمٹا جا سکے۔ عوامی حلقوں نے بارش کو گرمی سے نجات کا ذریعہ قرار دیا ہے اور انتظامیہ سے بہتر انتظامات کی اپیل کی ہے۔